"Туул голын эрэг дагуу амарч буй иргэдийн хөдөлгөөнийг хязгаарлана" гэх мэдээлэл цахим орчинд тараад буй.

Энэ талаар ЦЕГ-ын хэвлэл мэдээллийн төвийн дарга, Дэд хурандаа Б.Баатархүүгээс тодруулахад "Холбогдох байгууллагуудаас иргэдийг голын эрэг дагуу амрах, аялахыг зөвшөөрч байсан. Гэтэл иргэд анги, хамт олноороо зугаалж, бөөгнөрөл ихээр үүсгэх боллоо. Ялангуяа Туул гол, Тэрэлж орчим иргэдийн бөөгнөрөл ихээр бий болж байна. Ингэхдээ хүүхдүүдээ амны хаалтгүй авч явж байна. Иймд цагдаагийн бие бүрэлдэхүүн голын эрэг дагуух амрагчдад хяналт тавьж, хөдөлгөөнийг хязгаарлаж эхэлсэн" гэлээ.