Төв аймгийн Мөнгөнморьт сумын Жаргалант багийн Суварган булаг гэдэг газарт  иргэн Ш автомашинтайгаа Хэрлэн голыг гар татлагат бярваазаар гатлах үед  тросс тасарч, нэг троссон дээр автомашин нь тогтоож байна гэсэн дуудлагыг өчигдөр хүлээн авсан байна.

     Тус аймгийн Онцгой байдлын газрын Мөнгөнморьт сум дахь Гал түймэр унтраах, аврах 75 дугаар ангийн алба хаагчид 20 км зам туулан 21:18 цагт очиход иргэн Ш-ийн “Бонго 3” загварын дунд оврын ачааны автомашиныг иргэд татаж гаргасан байна. Багануур дүүргийн харьяат иргэн А, 54 настай, эрэгтэй, согтууруулах ундаа хэрэглэсэн нь Хэрлэн голд живж байсныг эсэн мэнд аварч, иргэн Ч-т хүлээлгэн өгчээ.