Эрүүл мэндийн яамнаас коронавирусийн тархалтын талаар мэдээлэл өглөө. Энэ үеэр Эрүүл мэндийн Хэвлэл мэдээлэл, олон нийттэй харилцах зөвлөх Б.Ууганбаяр “Өнгөрсөн 24 цагийн хугацаанд 2395 хүн коронавирусийн халдвараар өвчилсөн байна. Улаанбаатар хотод 1750, орон нутагт 644 хүнээс халдвар илэрчээ. Ингэснээр нийт  83128 хүн тус халдвараар өвчилсөн байна. Сүүлийн 24 цагт 0-4 насны 105, 5-9 насны 196, 10-14 насны 177, 15-17 насны 83, 18-24 насны 231, 25-29 насны 228, 30-34 насны 337, 35-39 насны 274, 40-44 насны 180, 45-49 насны 159, 50-54 насны 114, 55-59 насны 107, 60-64 насны 80, 65-69 насны 55, 70-74 насны 22, 75-79 насны 18, 80-84 насны 19, 85-аас дээш насны 10 хүн тус өвчнөөр өвчилсөн банйа. Мөн тус хугацаанд 20-80 насны есөн иргэн нас барлаа. Эдгээр иргэд 2-16 хоногт эмнэлэгт хэвтэн эмчлүүлж байжээ. 827 хүн эдгэрч эмнэлгээс гарсан байна” гэлээ.