Ховд голын усанд осолдсон  байж болзошгүй 48 настай эмэгтэй Ц-г энэ сарын 9-нөөс эхлэн эрэн хайж буй. Тэгвэл өчигдөр буюу зургадугаар сарын 10-ны 19:00 цагт  тус аймгийн Мянгад сум, Чацарганат багийн Шавартын тохой гэдэг газар Ховд голын эргээс иргэн Ц-ийн цогцсыг олжээ. Улмаар цогцсыг Ховд аймгийн цагдаагийн мөрдөн байцаагчид шилжүүлэн өгсөн байна.

Талийгаач энэ сарын 2-ны 00:30 цагт гэрээсээ явганаар гарч яваад сураггүй болсон бөгөөд Ховд голын усанд осолдсон байж болзошгүй тухай дуудлага мэдээлэл тус өдрийн 09:00 цагт Онцгой байдлын газарт бүртгэгдсэн. Дуудлагын дагуу энэ сарын 10-ны 07:00 цагаас Ховд, Увс, Баян-Өлгий аймгийн Онцгой байдлын газрын Эрэн хайх, аврах бүлэг, Мянгад сум дахь Цагдаагийн хэсгийн алба хаагч, тус сумын Засаг даргын Тамгын газрын ажилтан, орон нутгийн иргэд эрэн хайж эхэлсэн билээ.