Ховд аймгийн Мянгад сумын Чацарганат багийн Цоохор харгана гэдэг газар энэ сарын 2-ны 00:30 цагт иргэн Ц гэрээсээ явганаар гарч яваад Ховд голын усанд осолдсон байж болзошгүй тухай дуудлага Онцгой байдлын газарт бүртгэгджээ. Дуудлагын дагуу Ховд, Увс, Баян-Өлгий аймгийн Онцгой байдлын газрын Эрэн хайх, аврах бүлэг, Мянгад сум дахь Цагдаагийн хэсгийн алба хаагч, тус сумын Засаг даргын Тамгын газрын ажилтан, орон нутгийн иргэд өчигдөр буюу энэ сарын 9-ний 07:00 цагаас 48 настай, эмэгтэй иргэн Ц-г эрэн хайж байна. 06.09-ний өдрийн байдлаар тус сумын Чацарганат багийн “Цоохор харгана” гэдэг газраас Баянхошуу багийн “Мянгадын гүүр” гэдэг газар хүртэл “Ховд” голын усаар 50 км-т завиар урсаж, 3-5 метрийн гүнд 12 удаагийн шумбалт шумбалт хийж, голын эрэг дагуу 50 км-ын тойрогт явганаар болон морьтой эрэн хайх ажиллагааг зохион байгуулсан боловч үр дүнд хүрээгүй тул мөн өдрийн 23:35 цагт түр зогсоожээ. Эрлийн ажиллагааг өнөөдөр 07:00 цагт дахин эхлүүлээд байна.