ЭЭЖДЭЭ

         Ээж ээ, таны минь бие сайн биз дээ. Энэхүү захиаг хүү нь эр цэргийн албанаас бичиж байна. Ах дүү, төрөл садангуудаар минь сайхан их биз дээ. Тандаа удахгүй болох олон улсын эмэгтэйчүүдийн баярын мэнд хүргэе.

        Тандаа зүүн хацар дээрээ үнсүүлээд мордсон хүү нь олон аав, ээжийн хөвгүүдтэй мөр зэрэгцэн алхаж явна.  Монгол цэргийн жавхаа хийморь эр зориг, тэсвэр тэвчээр, ур ухаанд суралцан мандах нарнаас эртлэн босож, сэргэлэн цовоо, өглөөг угтан сахилга бат, дэг журмыг сахин мөрдөж, цагийг баримталж, цагтай уралдаж эр шиг цэрэг яваа хүү нь. Гутлаа толь шиг тосолж, захны цагаан давуугаа хадаж, оройн зугаалгаа хийчхээд дулаан орондоо тухтай амарч байгаа. Шинэхэн цэрэг байсан хүү нь ирээд дөрвөн сар болжээ. Цэргийн амьдралдаа аль хэдийнэ дассан. Цаг хугацаа харвасан сум шиг хурдан өнгөрчээ. Учраа сайн олохгүй өрөөлдөж, алхах нь холгүй явдаг байсан үе саяхан. Цэргийн албанд ирснээс хойш хамгийн их сэтгэл догдолсон, хамгийн гоё өдөр тангараг өргөх ёслолын үйл ажиллагаа байсан. Ээжийн хүү эх орны хүү боллоо шүү дээ. Монгол Улсын үндсэн хуулиар хүлээсэн иргэний цэргийн үүргээ үнэнчээр биелүүлэхээ андгайлан тангарагласан нь эр хүн болж төрсний бахархал юм байна.

Монгол цэргийн жавхаа хийморь эр зориг, тэсвэр тэвчээр, ур ухаанд суралцан мандах нарнаас эртлэн босож, сэргэлэн цовоо, өглөөг угтан сахилга бат, дэг журмыг сахин мөрдөж, цагийг баримталж, цагтай уралдаж эр шиг цэрэг яваа хүү нь

           Хүү нь маш сайн байгаа болохоор санаа битгий зовоорой. Дулаан гутал, зузаан хувцас, үстэй малгай, хөвөнтэй бээлий хүнд хэрэгтэй илчлэг хоол хүнс дулаан байр, халуун дотно уур амьсгал хамт олон дарга нар гээд бүх зүйл маш сайн байгаа. “21 дүгээр зууны ухаалаг залуус ухаанаараа бүхнийг шийдэх хэрэгтэй. Уур омог нэг л хором үргэлжилдэг. Тэвчээртэй хүлээцтэй буурь суурьтай байх хэрэгтэй” гэж дарга нар маань хэлдэг. Зөвхөн цэргийн ухаанд биш амьдралын ухаанд ч бас давхар суралцаж байна. Цэргийн албандаа татагдан их зүйл сурч мэдсэн эх орны хүү болсондоо бахархаж байна. Ээж минь та эх орны хүүгээрээ бахархаарай. Эх орон, ээж хоёроо мөнхөд хайрлаж явна. Тандаа зөндөө их хайртай шүү. Уурлуулж, гомдоодог байсанд минь уучлаарай, ээж ээ. 

Зэвсэгт хүчний 326 дугаар ангийн байлдагч Э.Ган-Эрдэнэ

Эх орон, ээж хоёроо мөнхөд хайрлаж явна. Тандаа зөндөө их хайртай шүү. Уурлуулж, гомдоодог байсанд минь уучлаарай, ээж ээ