Монголын оюун ухааны академийн шилдэг тамирчид, Дэлхийн хошой аварга, Гиннесийн рекорд эзэмшигч ихэр эгч дүүс Н.Мөнхшүр, Н.Энхшүр нарт Монгол Улсын гавьяат тамирчин цол хүртээлээ. Тэд "Гэр бүл болон бидний оюуны спортод үзүүлсэн амжилтуудыг төр үнэлээд шагнал гардуулсанд маш их талархаж байна. Их сургуулиа дөнгөж төгсөж өчигдөр ирээд л багш нараасаа гавьяат тамирчин болсон гэдгээ сонсоод эхэндээ итгэж өгөхгүй маш их догдолсон, сандарсан. Ихэрээрээ гавьяат авч байгаа тохиолдол маш ховор гэж хүмүүс ярьж байсан болохоор хамтдаа энэ хүндтэй шагналаа авсандаа маш их баяртай байна. Гэр бүл, багш нартай хандаж та нарынхаа урам зориг, итгэлээр бид хоёр энэхүү шагналаа авч чадсан шүү гэж хэлмээр байна.  Цаашдаа улам их амжилт үзүүлж, хичээх болно" гэлээ.