"Монгол" театрын уран бүтээлчид "Клеопатра" түүхэн сэдэвт сонгодог драмын жүжгийг Дуурь бүжгийн эрдмийн театрын тайзнаа энэ оны долдугаар сарын 1-10-ны хооронд тоглохоор болжээ. Тус жүжиг нь өнгөрсөн оны хоёрдугаар сард нээлтээ хийж байсан бол энэ удаад дахин үзэгчдэд хүрэх гэж буйгаараа онцлог юм. Энэхүү жүжгийн Их Британийн алдарт жүжгийн зохиолч Оскар, Нобелийн шагналт Жорж Бернард Шоугийн "Цезарь Клеопатра хоёр", Уильям Шекспирийн "Антони Клеопатра хоёр" жүжгийн зохиолоос сэдэвлэн тавьж байгаа билээ. Жүжгийн ерөнхий найруулагчаар СТА А.Чингүн ажиллаж буй бол Клеопатра хатны дүрийг жүжигчин Н.Баярмаа бүтээж буй юм.