"Хурд" хамтлагийн "Бүсгүй" дуунаас сэдэвлэсэн "Бүсгүй" уран сайхны кино өнөөдөр нээлтээ хийж, бүх кино театруудаар гарч эхэлж буй юм. Тэгвэл тус киноны гол дүрд жүжигчин Г.Ариунболор тоглосон байна. Тэрбээр Германд Улсад ажиллаж амьдардаг бөгөөд тус улсдаа 30 гаруй уран бүтээлийн гол болон туслах дүрийг бүтээсэн юм. Мөн Иetflix-ийн кинонд мөн тоглосон байна. Харин Монголдоо "Дурлалын гэмт хэрэг", "Хохирогч","Бүсгүй" гэх гурван бүтээлийн дүрийг бүтээгээд буй юм. Улаанбаатарт төрсөн тэрбээр гуравдугаар анги хүртлээ хотод сурч байгаад Германд Улс руу шилжжээ.15 настайгаасаа эхлэн бүжиглэж, драмын ангид жүжигчин мэргэжлээр суралцжээ. Жүжигчнээр ажиллахаас гадна кино зохиол бичдэг, найруулах ч хүсэлтэй байдаг байна. Удахгүй мөн өөрийн бүтээлийг үзэгчдэдээ хүргэх төлөвлөгөөтэй байгаа гэнэ. Түүний авьяас ээжээс нь эхлэлтэй бөгөөд ээж нь Багшийн дээдийн драмын ангийг жүжигчин, найруулагч Г.Доржсамбуугийн удирдлагад жүжигчин мэргэжлээр төгссөн байдаг.