"Х-Түц" продакшны жүжигчин У.Минжингийн төрсөн өдөр өнөөдөр тохиож байна. Түүнийг бид хошин урлагийн сонирхолтой номеруудаас нь гадна "Сайн уу амьдрал минь 2", "Нийслэл хүүхэн", "Ихэр тавилан", "Би дурламаар байна", "Амьдралын хүрд" зэрэг киноны дүрээр нь мэдэх билээ. Мөн тэрбээр "Бидний араншин" киноны продюсераар ажилласан юм. Анх "Maaz" хамтлагт дуулж эхэлсэн бөгөөд  "The voice Mongolia" шоунд ч мөн оролцож, амжилттай өрсөлдсөн. 

        Тэрбээр "Хүмүүс намайг  “Нийслэл хүүхэн-2” киноны Ундрахын дүрээр илүү мэдэхээс Минжин  гэдгээр нь бага мэдэх байх. Би ер нь нялцгай биш, шулуун шударга, хэлэх гэсэн үгээ шууд хэлдэг, эршүүд талдаа хүн юм болов уу гэж өөрийгөө боддог. Тэр зан чанараараа Ундрахын дүр надтай бага зэрэг төстэй. Дүрийн хувьд хоёр дугаар анги дээрээ би илүү эмэгтэйлэг болсон санагддаг" гэж ярьсан байдаг.