Монголын хөгжмийн салбарт цоо шинэ урсгалыг бий болгож, мэргэжлийн дуу бичлэгийг шинэ түвшинд гаргаж ирсэн “Ocean Grey” продакшны 11 жилийн ой энэ жил тохиож буй. Уг продакшн нь байгуулагдаад 11 жил болохдоо олон уран бүтээлчтэй хамтран ажиллаж, олон хит уран бүтээлүүдийг төрүүлэн гаргасан билээ.

Тус продакшны уран бүтээлчид ойн тоглолтоо энэ сарын 28-нд “Степп Арена”-д зохион байгуулахаар болсон. Энэхүү тоглолтын онцлох зочин нь Канадын алдарт реппер, дуучин K-Maрo, АНУ-ын реппер Брийдс Уорлд нар байх юм. “Femme Like U” дуугаараа монголчуудын танил болсон К-Маро энэ үдшийг гол зочин аж.

K-Maрo 13 насандаа анхны уран бүтээлээ гаргаж байсан бөгөөд түүнийг дэлхийд таниулж, алдаршуулсан гурван дууны нэг нь “Femme Like U” юм. “Амьд тоглолтын мастер” гэх хочтой тэрбээр 2001 онд уран бүтээлийн нэрээ К-Маро болгосноор алдрын замналд хүрэх эхлэл болжээ.

2004 онд хэвлүүлсэн "La Good Life" цомог нь түүнд хамгийн их амжилт авчирсан түүхтэй. “Femme Like U”, “Gangsta Party”, “Let's Go” зэрэг бүтээл нь түүнийг дэлхийд алдаршуулсан ч тэр 2010 онд  сүүлчийн цомгоо гаргаснаар хөгжмийн ертөнцийг орхисон юм.

Уран бүтээлээ орхисны дараа тэр хөгжмийн студи байгуулахаас гадна өөрийн нэрээр сан байгуулж, түүгээрээ дамжуулан гамшиг, цэргийн мөргөлдөөнд нэрвэгдсэн, гэнэтийн гамшигтай тулгарсан хүүхдүүдэд тусламжийн гараа сунгадаг болсон байна.

Тоглолтын талаарх дэлгэрэнгүй мэдээллийг доорх линкээс аваарай.

Тасалбар: https://shoppy.mn/oceangrey

Facebook: https://fb.me/oceangreyproduction

Instagram: https://www.instagram.com/oceangreyproduction/