"Мөрөөдлийн театр"-ын жүжигчин Ч.Баярмаагийн төрсөн өдөр тохиож байна. Түүнийг бид "Мөрөөдлийн театр"-ын хошин номеруудын дүрээс гадна "Шөнө буусан аадар", "Тод хувцастай эмэгтэй" жүжигт гол болон туслах дүрийг чадварлаг бүтээснээр нь мэдэх билээ.

      Тэрбээр манай сайтад өгсөн ярилцлагадаа "Би 2010 онд сургуулиа төгсөөд “Шинэ үе” продакшнд орж ажилласан. Тухайн үед продакшнаас “Хайрт Долгор багш минь” гэх жүжигт ажиллаж байсан. Тэгэхэд надад анхлан Долгор багшийн дүрийг оноож, Г.Ундармаа эгчтэйгээ дублёр болоод тоглож байсан. Анхны том дүр учир айдас эмээлт байсан ч  амжилттай тоглосон. Харин хоёр дахь гол дүр минь “Шөнө буусан аадар” жүжгийн Оюуны дүр. Мэдээж "Мөрөөдлийн театр"-ынхаа өмнөх жүжгүүд, хошин тоглолтын дүрүүд бий л дээ. Гэхдээ том дүр гэж авч үзвэл "Шөнө буусан аадар" жүжгийн Оюуны дүрийн дараа одоо тоглох "Тод хувцастай эмэгтэй" жүжгийн дүр орно" гэж ярьсан юм. Түүнд төрсөн өдрийн мэнд хүргэж, уран бүтээлийн өндөр амжилт хүсье.