БНСУ-ын алдарт T-ara хамтлагийн гишүүн Hyomin өнөөдөр Монгол Улсад ирлээ. Тэрбээр хамтран ажилладаг “MAKE9” гоо сайхны брэндийнхээ V.I.P үйл ажиллагаанд оролцохоор ирж байгаа юм.

       1989 оны тавдугаар сарын 30-нд БНСУ-д төрсөн. 2009 онд T-ara хамтлагийн гишүүнээр долдугаар сарын 30-нд M Countdown хөгжмийн хөтөлбөрт "Lie" дуугаараа дебютээ хийсэн. Хамтлагийнхаа үйл ажиллагаанаас гадна "Миний найз охин бол есөн сүүлт үнэг" (2010), Gyebaek (2011), “The Thousandth Man”(2012), Gisaeng Ryung (2011) зэрэг телевизийн олон ангит кинонд тоглож байжээ.

T-ara хамтлаг 2013 онд Монгол Улсад тоглолтоо хийж байсан төдийгүй “Number nine” дууныхаа дүрс бичлэгийг хийж байсан юм.

Түүний талаарх зарим баримтууд

• Айлын ганц хүүхэд
• Тэр Sungkyunkwan их сургуулийн урлаг, театрын ангийг төгссөн
• Төгөлдөр хуур тоглож чадна
• Орчин үеийн загварын чиг хандлагыг дагаж мөрдөх дуртай бөгөөд 2021 оны 9-р сард өөрийн ‘Say No More’ загварын брэндээ гаргасан
• 2014 онд “Make Up” мини цомгоороо соло уран бүтээлчийн гараагаа эхэлж, “Sketch” цомгоо гаргасан.
• Мөн 2018 онд “Mango”, 2019 онд “U Um U Um” дижитал синглүүдийг гаргасан.
• Хөлбөмбөгчин Хван Уи Жотой болзож байсан