Цээлхэн хоолойгоороо өвөрмөц ковэр дуунуудыг гитартай дуулдаг залуу уран бүтээлч Э.Ануударь “АNUK” нэртэй тоглолтоо хийхээр болжээ.

   Тэрбээр хамтлаг болон хувь уран бүтээлчдийн дууг коверлож дуулахаас гадна “Чүкинбүүрийбаа”, “Утсан дээгүүр муур гүйчихлээ” зэрэг хөгжилтэй, цоглог дуунуудыг хүмүүст хүргэсэн. Түүний ихэнх дууны үгийг “Лантуун дохио” төрийн бус байгууллагын үүсгэн байгуулагч Ч.Ганжавхлан бичсэн байдаг бөгөөд түүний үгээр бүтсэн шинэ уран бүтээлээ мөн тоглолтондоо дуулах байна. Тоглолтод дуучин Б.Билгүүн, “Sun Juniper” хамтлаг, дуучин С.Хонгор, Артист Балжка, Очмаа нар оролцох юм. Тус тоглолт хоёрдугаар сарын 27-нд барилгачдын талбайн “Туул” ресторанд 18:00 цагаас болох аж.