МУГЖ Н.Онон дэггүй, үсээ хоёр боосон дэрвэгэр хормойтой даашинзтай охин, эсвэл томдсон хувцас, саравчтай малгайтай хүүгийн дүрийг үзэгч олны сэтгэл зүрхэнд тодхон үлдээжээ. Хошин урлагийн тайзнаа ихэмсэг болоод баян авгай, өхөөрдөм хөөрхөн эрх танхи хүүхдийн дүрийг бүтээх үүрэгтэй төрсөн мэт жүжигчин Н.Онон нуруу намхан ч авьяас чадвар, царай зүсээрээ “өндөр” хүн юм.

 Эрхэмсэг, гал цогтой эмэгтэйн дүрийг ч тэрбээр чадварлаг бүтээдэг нэгэн. Хошин урлагийн өвөрмөц, содон  дүрээс гадна “Аянгын бороо”, “Сэрүүн хасын нууц”, “Хориотой жүжиг” зэрэг дэлхийн сонгодог бүтээлийн дүрд тоглож,  "Сэргээш", “Аравт”, "Миний хөрш чөтгөр", "Болсон явдал", “Сайн уу амьдрал минь 2” зэрэг дэлгэцийн уран бүтээлд продюссераар ажилласан туршлагатай. Олны хүндэтгэл, итгэл, хайрыг хүртсэн  уран бүтээлч юм. Буржгар үс, том алаг нүдтэй түүнийг “Мөнхтэнгэрийн хүчин дор” киноны зураг авалтын үеэр  кино багийнхан эмэгтэй гэж андуурч байжээ.

Ийнхүү МУГЖ Н.Ононгийн уран бүтээлийн дахин давтагдашгүй дүрүүдийг танилцуулъя.