Монгол Улсын Хөдөлмөрийн баатар, Ардын жүжигчин, Төрийн шагналт уртын дууч Н.Норовбанзад агсны 90 жилийн ой энэ жил тохиож байна. Тэгвэл нэрт уртын дуучны мэндэлсний 90 жилийн ойд зориулан түүний дуулсан 11 дуунаас бүрдсэн урт дууны пянз гаргажээ. Уг пянзыг 400 хувь хэвлүүлсэн бөгөөд энэ сарын 18-аас 999 мянган төгрөгийн үнэтэй худалдаанд гарах аж.

Монгол Улсын Хөдөлмөрийн баатар, Ардын жүжигчин, Төрийн шагналт уртын дууч Н.Норовбанзад 1931 оны арванхоёрдугаар сарын 10-нд Дундговь аймгийн Дэрэн суманд төржээ. Бага ахуй наснаасаа дуу хууртай ойр өссөн тэрээр 1957 онд Дэлхийн оюутан, залуучуудын их наадмаас алтан медаль хүртэж урлагийн гараагаа эхэлсэн гэдэг.