"Чингис хаан” музейн барилгын ажил бүрэн дууссан талаар Барилгын хөгжлийн төвөөс мэдээллээ. Тус музейн барилга нь 20500 кв.м талбайтай, нийт есөн давхар бүхий олон улсын стандартыг хангасан, судалгаа, сургалт, танин мэдэхүй, соён гэгээрлийн цогцолбор юм.  Мөн тус музейд Хүннү гүрний хаан Модун Шаньюгаас VIII Богд Жавзандамба хутагт хаан ширээнээсээ буух хүртэлх үеийн Монголын хаадын түүхийг харуулахаар төлөвлөжээ. "Чингис хаан" музейн 60 хувийг музейн үзмэр, үзүүлэг дэглэлт эзэлж, үндсэн хэсгийг 15 байнгын үзмэрийн танхимтай байхаар зохион байгуулсан байна.