Япон Улсын мангака Эйчиро Одагийн бүтээл, “Уан пийс” шонэн манга дэлхийн хамгийн алдартай супер баатрын цувралуудын нэг “Бэтмэн” комикын борлуулалтын амжилтыг давжээ.

“Бэтмэн” комик нь дэлхий даяар нийт 484 сая ширхэг зарагдсан байдаг бөгөөд “Уан пийс” манга хамгийн сүүлчийн мэдээллээр 490 сая ширхэг худалдаалагдсан байна.

“Бэтмэн” супер баатрын тухай комикыг анх 1939 оноос эхлэн худалдаалж эхэлсэн бол “Уан пийс” мангаг борлуулж эхэлснээс хойш 25 жилийн хугацаа л өнгөрөөд байгаа юм.

Судлаачид “Японы “Уан пийс” манга цааш амжилтаа үргэлжлүүлж “Супермэн” комикын амжилтыг эвдэнэ” хэмээжээ. 1938 оноос худалдаанд гарсан “Супермэн” комик дэлхийд 600 сая хувиа борлуулсан байдаг байна.