Зохиолч, яруу найрагч Г.Аюурзана, Л.Өлзийтөгс нарын охин А.Гэгээ Нидерландын хааны нэрэмжит Дүрслэх урлагийн академид үзэсгэлэнгээ нээжээ.

          Тэрбээр дөрвөн жилийн хугацаанд Нидерланд Улсын 1962 онд байгуулагдсан Дүрслэх урлагийн академид Уран зураач, баримлын ангид сурч, төгсөж байгаа юм.

          Тус академийн оюутнууд дипломоо авахтай зэрэгцэн төгсөлтийн үзэсгэлэн нээдэг бөгөөд А.Гэгээгийн уран зургийн бүтээлүүд ч үүнд багтжээ.

          Мөн тэрбээр Дүрслэх урлагийн академид сурахын зэрэгцээ Лайдений их сургуульд давхар сурч, Урлаг судлаачийн мэргэжил эзэмшсэн гэнэ.