АНУ-ын “Пфайзер”, Герман Улсын “БиоНТех” компаниудын хамтран бүтээсэн Пфайзер вакциныг ирэх зун Япон Улсад зохион байгуулах зуны олимп, паралимпын наадамд оролцох тамирчдад хандивлахаар болжээ.

Олон улсын олимпын хорооноос мэдээлснээр “Пфайзер” компанийн гүйцэтгэх захирал Альберт Бурла Япон Улсын Ерөнхий сайд Сүга Ёшихидэ нар өнгөрсөн дөрөвдүгээр сард хэлэлцэж, тохиролцсон байна.

Коронавирусийн эсрэг “Пфайзер” вакциныг Үндэсний олимп, паралимпын хороодоор дамжуулан түгээх бөгөөд уг ажлыг Японы олимпын наадмыг хариуцсан сайд Марүзава Тамаэ гүйцэтгэх гэнэ.