Монголын хөл бөмбөгийн холбоо болон Японы хөл бөмбөгийн холбооны  хамтын ажиллагааны хүрээнд Монголын Үндэсний шигшээ багийн шинэ ахлах дасгалжуулагчаар Япон Улсын хөл бөмбөгийн тамирчин асан, менежер Масэ Шүичиг томилжээ.

Хамтын ажиллагааны гэрээгээр Масэ Шүичи нь 2023 оныг хүртэл шигшээ багийн ахлах дасгалжуулагчаар ажиллах юм.

Масэ Шүичи нь өмнө Япон Улсын дээд лигт довтлогчийн байрлалд тоглодог байсан бөгөөд 2002 онд зодог тайлсан.

Түүнээс хойш дасгалжуулагчийн гараагаа эхэлснээс хойш Японы дээд лигийн 2015-2016, 2017-2018 онд “Эхимэ”, 2018-2019 онд “Блаублиз Акита” багуудыг удирдаж байжээ.