Тулгар төрийн 2230, Их Монгол Улсын 815, Ардын хувьсгалын 100 жилийн түүхэн ойн баяр ирэх зун тохионо. Уг түүхэн ойн баярын эрийн гурван наадмын хурдан морины уралдаанд аль газрын, хэний азарга түрүүлж, айрагдах бол гэсэн битүүхэн яриа морь сонирхогчдын дунд үүсээд байгаа гэнэ. Морь сонирхогчид тааварлаж, санал дэвшүүлж байхдаа яаран дуугарахгүй, аль нэгийг нь сонгож, хэлж мэдэхгүй байгаа нь энэ жилийн хурдан азарганы уралдаан үзэгчдийн хүлээлтийг үүсгэж буй гол шалтгаан болоод буй. Тиймээс уншигч та бүхэнд ирэх Ардын хувьсгалын 100 жилийн ойн баярын наадамд хурдлах өндөр магадлалтай хурдан азаргануудыг морь сонирхогчдын таамгаас түүвэрлэн хүргэж байна.

ГУРВАН ҮЕЭРЭЭ ТӨРИЙН НААДАМД АЗАРГА ТҮРҮҮЛГЭСЭН ТӨВ АЙМГИЙН БАЯНЦАГААН СУМЫН УУГУУЛ АЙМГИЙН АЛДАРТ УЯАЧ  Д.БАЯНБАТЫН “НАРАН ХОНГОР” АЗАРГА

Амжилтын товчоон:

-2012 оны Ардын хувьсгалын 91 жилийн ойн хурдан хязааланы уралдааны аман хүзүү,

-Да лам Г.Цэрэнчимидийн 140 жилийн ойн баяр наадмын түрүү,

-2014 оны Ардын хувьсгалын 93 жилийн ойн хурдан азарганы уралдааны түрүү,

-Мандалын хурд төвийн бүсийн хурдан морьдын уралдааны түрүү, 

-2016 оны Ардын хувьсгалын 95 жилийн ойн баяр наадмын аман хүзүү,

-2017 оны Ардын хувьсгалын 96 жилийн ойн баяр наадмын айргийн дөрөв,

-2018 оны Ардын хувьсгалын 97 жилийн ойн баяр наадмын айргийн гурав зэрэг амжилттай.

ТӨВ АЙМГИЙН СЭРГЭЛЭН СУМЫН УУГУУЛ, ДОРНОД АЙМГИЙН БАЯНТҮМЭН СУМЫН ХАРЬЯАТ  МОНГОЛ УЛСЫН ТОД МАНЛАЙ УЯАЧ О.БАТБИЛЭГИЙН “ХҮХЭЭ ХАЛЗАН” АЗАРГА

Амжилтын товчоон:

-Их хурд хурдан морины уралдааны найман удаагийн аман хүзүү,

-2017 оны Хан гарьд бүсийн наадмын аман хүзүү,

-2018 оны Ардын хувьсгалын 97 жилийн ойн баяр наадмын аман хүзүү ,

-2019 оны Ардын хувьсгалын 98 жилийн ойн түрүү зэрэг амжилттай.

ТӨВ АЙМГИЙН БАЯН СУМЫН УУГУУЛ МОНГОЛ УЛСЫН МАНЛАЙ УЯАЧ Б.НЯМЖАВЫН “БОГД ХЭЭР” АЗАРГА

Амжилтын товчоон:

-Их хурд хурдан морины уралдааны найман удаагийн түрүү,

 -2020 оны хурдан морины уралдааны 99  жилийн ойн баяр наадмын хурдан азарганы уралдааны түрүү зэрэг амжилттай.

АРХАНГАЙ АЙМГИЙН ХОТОНТ СУМЫН УУГУУЛ АЙМГИЙН АЛДАРТ УЯАЧ  Д.ЛХАГВАСҮРЭНГИЙН ХАР АЗАРГА

Амжилтын товчоон:

-2019 оны Ардын хувьсгалын 98 жилийн ойн баяр наадмын айргийн тав,

-2020 оны Ардын хувьсгалын 99 жилийн ойн баяр наадмын хурдан азарганы уралдааны айргийн гурав гэсэн амжилттай.

ӨВӨРХАНГАЙ АЙМГИЙН ХУЖИРТ СУМЫН УУГУУЛ, “ШУНХЛАЙ” ГРУППЫН ЕРӨНХИЙЛӨГЧ П.БАТСАЙХАНЫ “ТЭНГЭРИЙН ХЭЭР” АЗАРГА

Амжилтын товчоон:

-2016 оны Ардын хувьсгалын 95 жилийн ойн хурдан дааганы уралдааны түрүү,

-2020 оны Ардын хувьсгалын 98 жилийн ойн баяр наадмын аман хүзүү зэрэг амжилттай.

ХӨВСГӨЛ АЙМГИЙН ЦЭЦЭРЛЭГ СУМЫН УУГУУЛ АЙМГИЙН АЛДАРТ УЯАЧ Г.БАТБОЛДЫН “ХҮННҮ ХАЛТАР” АЗАРГА

Амжилт:

-Ховд аймгийн Жаргалант суманд болсон бооцоот уралдааны хязаалан насны түрүү,

-Ховд аймгийн Манхан суманд болсон аймгийн Хаврын бүсийн уралдаанд түрүү,

-Ховд аймгийн баяр наадмын хязаалан насны түрүү,

-Баян-Өлгий аймагт болсон баруун бүсийн уралдааны түрүү,

-Ховд аймгийн Булган суманд болсон Жангар наадмын түрүү,

-Ховд аймгийн шигшмэл хурдан хүлэг шалгаруулах уралдаанд түрүү байр,

-2020 оны Ардын хувьсгалын 99 жилийн ойн баяр наадмын хурдан соёолонгийн уралдааны айргийн гурав зэрэг амжилттай байна.

БУЛГАН АЙМГИЙН ГУРВАНБУЛАГ СУМЫН УУГУУЛ, МОНГОЛЫН МОРИН СПОРТ УЯАЧДЫН ХОЛБООНЫ ТЭРГҮҮЛЭГЧ, ТОД МАНЛАЙ УЯАЧ Д.ХИШИГЖАРГАЛЫН “АМИНХИШИГИЙН ЦОЛМОН ХАЛЗАН” ХЭМЭЭН НЭРЛЭГДДЭГ “ХҮРЭН ХАЛЗАН” АЗАРГА

Амжилт:

-Хөвсгөл аймгийн Тариалан суманд болсон Түмэн адууны баярт айргийн гурав,

-Хөвсгөл аймгийн “Дэлтэй цэнхэр” МСУХ-ны нэрэмжит уралдаанд түрүү байр,

-Монгол Улсын Тод манлай уяач Г.Доржпүрэвийн цолны мялаалга наадмын түрүү,

-Орхон аймагт болсон Хаврын бүсийн уралдааны хязаалан насны түрүү,

-Г.Пунцагбалжир агсны нэрэмжит Төвийн бүсийн уралдааны айргийн дөрөв,

-“Хотгойдын хурд-4” Хангайн бүсийн уралдаанд түрүү байр,

-2020 оны Ардын хувьсгалын 99 жилийн ойн баяр наадмын хурдан соёолонгийн уралдааны аман хүзүү билээ.

 Эдгээр хурдыг энэ жилийн наадамд түрүү магнайг  “булаацалдан” эн тэнцүү хурдална гэцгээж байна.

...Заан дөрвөн соёогоо яаралзуулан

Заамал зургаан хүзүүүгээ гүвдэлзүүлээд

Дунгийн угалзан хамраа сортолзуулаад

Дуран хар нүдээ тормолзуулаад...

Д.ЦЭДЭВСҮРЭН