Орос улсаас гаралтай Швед тамирчин Хамзат Чамаев нь хагас болон хүнд жинд өрсөлддөг бөгөөд карьертаа 9-0-0 гэсэн амжилттай. Өдгөө 26 настай залуу тамирчин өнөөдөр инстаграм хуудсаараа дамжуулан зодог тайлж буйгаа мэдэгдлээ. 

 Холимог тулааны спортод хүч түрэн гарч ирсэн Хамзат Чамаев арванхоёр дугаар сарын 1-нд Леон Эдвардс гэх 26 настай залуутай тулалдахаар бэлдэж байхдаа “Ковид-19” халдвар авсан бөгөөд тулааныг нэгдүгээр сарын 20-нд товлоод байсан юм. Гэвч бүрэн эдгээгүй байсан тул тулааныг дахин цуцлах шаардлагатай болсон бөгөөд “UFC”-гийн ерөнхийлөгч Дана Уайт гуравдугаар сарын 13-нд  дахин товлосон ч нөхцөл байдлын улмаас хойшлуулахаас өөр аргагүйд хүрсэн.

 Түүний биеийн байдал хүндэрч, уушгины үйл ажиллагаа доголдож, бэлтгэлийн ачаалал даахааргүй байгаа аж.

Холимог тулааны залуу тамирчин Хамзат Чамаев “Төдийгөөс өдийг хүртэл дэмжиж ирсэн хүмүүст бүгдэд нь баярлалаа. Гэвч миний хувьд аялал энэ хүрээд дуусч байна. Хэдийгээр би аваргын бүс аваагүй ч заавал аварга болох нь хүний амьдралын чухал ялалт биш байх. Таны урмыг хугалж магадгүй ч миний бие надад бүгдийг хэлж байна. Баг хамт олондоо баярлалаа, UFC-д бас баярлалаа” хэмээн олон нийтэд мэдээлжээ.

 Түүний биеийн байдал хүндэрч, уушгины үйл ажиллагаа доголдож, бэлтгэлийн ачаалал даахааргүй байгаа аж.