Монголын иогчдын холбооны төлөөлөгчид 2026 оны гуравдугаар сарын 6-ны өдөр  Энэтхэг Улсаас Монгол Улсад суугаа Элчин сайд эрхэмсэг ноён Атул Малхари Готсурве-тэй уулзалт хийлээ. Уулзалтаар Монголын иогчдын холбооноос зохион байгуулдаг Монголын иогийн фестиваль, Олон улсын иогийн өдрийн талаар ярилцлаа.

    Мөн Монголын иогчдын холбооны гишүүн, иогийн багш нарыг Энэтхэг Улсад суралцуулах сургалт, хөтөлбөрүүд, цаашдын хамтын ажиллагаа, дэмжлэгийн боломжуудын талаар санал солилцож ярилцсан байна.

    Уулзалтад Монголын иогчдын холбооны тэргүүн Б. Туул, Удирдах зөвлөлийн гишүүн Б. Энхгэрэл, нарийн бичиг Н. Жаргалсайхан, МИХ-ны гадаад харилцааны албаны гишүүн Д. Цэцгээ нар оролцов.