Болгарын Софи хотод сонирхогчдын боксын Европын хамгийн олон жилийн түүхтэй тэмцээнүүдийн нэг болох “Странджа-2026” болж байна. Тус тэмцээнд 31 орны 340 орчим боксчин өрсөлдөж байгаа бол манай улсаас дасгалжуулагч Ж.Отгонбаяр, О.Батхүү, Ж.Еркин нарын удирдлагад эрэгтэй долоо, эмэгтэй таван тамирчин ур чадвараа сорьж байна.

    Өнөөдөр 2026 оны хоёрдугаар сарын27-ны өдөр манай улсаас эрэгтэйчүүдийн 50 кг-ын жинд ОУХМ А. Баттулга, Украины тамирчин Siiovush Mukhammadiiev-тай, 55 кг-д ОУХМ Х. Билгүүнсайхан,  Казахстаны тамирчин Kenzhibek Baglan-тай, 60 кг-д ОУХМ Б. Буяндалай Болгарын тамирчин ДАШТ-ий хүрэл медальт, Европын аваргын мөнгөн медальт Radoslav Rosenov-той тус тус тулалдана. Ялсан тамирчид хүрэл медалийнн болзол хангаж, цаашид медалийн өнгөө хувиргах тулаан хийнэ.