Арван долдугаар жарны “Сүрээр дарагч” хэмээх гал морин жилийн сар шинийн баярт зориулсан улс, аймаг, цэрэг, сумын цолтой хүчит 256 бөхийн барилдаан хоёр дахь өдрөө “Монгол бөхийн өргөө”-нд зохион байгуулагдаж  өндөрлөв. Тус барилдааныг Монгол Улсад суугаа АНУ, ИБУИНХУ, ХБНГУ, Япон, Итали, Энэтхэг, БНСУ, Лаос, Франц, Турк, Казахстан, Канад, Польш, Куба, Чех Улсын Элчин сайдууд болон Олон улсын байгууллага, төлөөлөгчийн газрын дарга удирдлагууд хүрэлцэн ирж, Монголын үндэсний бөхийн барилдаан, ардын урлагийн тоглолтыг үзэж сонирхлоо.