XVII жарны “Сүрээр дарагч” хэмээх гал морин жилийн цагаан сарын баярыг тохиолдуулан Монгол Улсын Ерөнхийлөгч У.Хүрэлсүх төрийн дээд цол, одон, медаль гардуулж эхэллээ.
 

     Үндэсний болон чөлөөт бөхийг хөгжүүлэхэд оруулсан гавьяа зүтгэл, үндэсний бөхийн түүхэн уламжлалыг хойч үедээ өвлүүлэн уламжлуулахад оруулсан жинтэй хувь нэмрийг нь өндрөөр үнэлж Ардын багш, Гавьяат тамирчин Данзандаржаагийн Сэрээтэрт Монгол Улсын Хөдөлмөрийн баатар цол олгов.

    Д.Сэрээтэр багшийг Монгол Улсын Хөдөлмөрийн баатрын алтан соёмбот тэмдэг, Сүхбаатарын одонгоор шагналаа. Д.Сэрээтэр нь Монгол Улсын Ардын багш, гавьяат тамирчин, чөлөөт бөхийн олимп, дэлхийн хүрэл медальт, үндэсний бөхийн улсын харцага, профессор бэлтгэл хошууч цолтой.