Монголын чөлөөт бөхийн ертөнцөд уйгагүй хөдөлмөр, хатуу сахилга бат, тууштай тэмцлийн жишээ болон гялалзаж ирсэн эрхэм тамирчин маань төрдөө үнэлүүлж, Монгол Улсын Гавьяат тамирчин хэмээх эрхэм хүндтэй цолыг хүртэхээр болж байна. ДАШТ-ий хүрэл медальт, ОУХМ Т. Түвшинтулга буюу бидний дуудаж заншсанаар Бооёо маань олон жилийн хөдөлмөр, тэсвэр хатуужлынхаа үр шимийг ийнхүү хүртэж, Монгол түмнийхээ бахархал болж чадлаа.

Түүний ялалтын замнал:

2014 оны Дэлхийн оюутны аваргаас алтан медаль

2018 онд Дэлхийн аварга шалгаруулах тэмцээнээс хүрэл медаль

Ivan Yarygin “Grand Prix” –ээс Мөнгө, Хүрэл

Азийн аваргын Хошой хүрэл

Монгол Улсын зургаан удаагийн аварга

Dmitri Korkin International – Хошой мөнгө

Dinmukhamed Kunaev Tournament – Алт

Yasar Dogu International – Мөнгө.

“Ulaanbaatar open Ranking Series” – Алт

     Дэлхийн аваргад зургаан удаа оролцож, хоёр удаа финалд шалгарсан бахдам амжилттай гаргаж байв. Энэ бол зүгээр нэг амжилтын жагсаалт биш. Энэ бол Монгол бөхийн нэрийг дэлхийд дуурсгасан тууштай тэмцэл, хөлс хүч, сэтгэлийн хатын түүх юм. Төрдөө үнэлүүлсэн энэ эрхэм цол нь зөвхөн Т.Түвшинтулгын бахархал бус, түүнийг дэмжиж ирсэн аав ээж, гэр бүл, багш дасгалжуулагчид, хамт олон, Монголын чөлөөт бөхийн гэр бүлийн хамтын ялалт баяр билээ.