Саудын Арабын Аль Кассим хотноо засмал замын дугуйн Азийн аварга шалгаруулах 45 дахь удаагийн тэмцээн зохион байгуулагдаж байна. Азийн аваргын сүүлийн өдрийн хамгийн өрсөлдөөнт төрөл болох “Элит” эрэгтэйчүүдийн бөөн гараатай 156 км-ийн уралдаан болох юм.

   Элит ангиллын тамирчид өнөөдөр буюу хоёрдугаар сарын 11-ний өдөр Монголын цагаар 14:00 цагаас гараанд гарна. Монголын Үндэсний шигшээ багийн таван шилдэг тамирчин эх орноо төлөөлөн өрсөлдөнө.

Үүнд:

ОУХМ С. Жамбалжамц

ОУХМ Б. Тэгшбаяр

ОУХМ Б. Марал-Эрдэнэ

ОУХМ Э. Болор-Эрдэнэ

ОУХМ Б. Идэрболд

Энэ удаагийн гараанд 21 улсын 76 шилдэг тамирчин хурд хүч, ур чадвараа сорин өрсөлдөх бөгөөд тивийн аваргын төлөө ширүүн тулаан өрнөх нь гарцаагүй.