"Монголын Үнэн" сонины нэрэмжит "Д.Сүхбаатарын мэргэн бууч" тэмцээний ээлжит медальтнууд тодорлоо. Өчигдөр 50 м-ийн урт бууны гурван байрлалын 3х20 дасгалын эрэгтэй, эмэгтэй шилдгүүд тодорсон.

    Энэ дасгалд “Хилчин” спорт хорооны тамирчин, Үндэсний шигшээ багийн гишүүн ОУХМ, Б.Эрхэмбаяр 593 онож Монгол Улсын шинэ дээд амжилтыг тогтоолоо.Тэмцээн өнөөдөр 10 м-ийн хийн урт бууны дасгалаар үргэлжлэн явагдана.

    Урт бууны 50 м-ийн босоо, суугаа, хэвтээ гурван байрлаас буудах дасгалд эмэгтэйчүүдээс “Хүч” спорт хорооны  тамирчин, ОУХМ О.Есүгэн финалд 356.8 оноогоор алтан медаль, “Алдар” спорт хорооны тамирчин, ОУХМ Ч.Нарантуяа 351 оноогоор мөнгөн медаль, “Хүч” спорт хорооны тамирчин, ОУХМ Г.Нандинзаяа финалын буудлагад 328.7 оноогоор хүрэл медаль хүртэв.

   Эрэгтэй тамирчдаас дээрх дасгалд “Алдар” спорт хорооны тамирчин ОУХМ Н.Баяраа финалын буудлагад 356.5 оноогоор алтан медаль, “Хилчин” спорт хорооны тамирчин, ОУХМ Б.Эрхэмбаяр 355.1 оноогоор мөнгөн медаль, Өвөрхангай аймгийн тамирчин, Э.Сайнхүү 328.7 оноогоор хүрэл медаль тус тус хүртлээ.