Дэлхийн бөхийн нэгдсэн холбоо 2026 онд зохион байгуулагдах тив, дэлхий, олон улсын тэмцээний хуваарийг баталж гаргасан байна. Өчигдөр болсон тус холбооны  хуралдаанаар чөлөөт бөхийн 2026 оны Азийн аварга шалгаруулах тэмцээнийг Киргизстан Улсын Бишкек хотноо дөрөвдүгээр сарын 6-12-ны өдрүүдэд явуулахаар тогтсон байна.  

    Үүнээс өмнө Азийн аваргыг Йорданы Амман хотод хийх тухай яригдсан ч ийнхүү байрлал нь  өөрчлөгджээ. Киргизстаны Бишкек хотод өмнө нь гурван удаа чөлөөт бөхийн ДАШТ-ийг зохион байгуулан явуулж байлаа.  2026 онд чөлөөт бөхийн Азийн аварга дөрөвдүгээр сарын 6-12-ны өдөр Бишкек хотод болно. Харин “U17” хүртэлх насныхны ДАШТ зургаадугаар сарын 27-ноос долоодугаар сарын 2-ны өдрүүдэд Азербайжан Улсын Баку хотод болох юм.

   Залуучуудын “U20”  хүртэлх насныхны ДАШТ наймдугаар сарын 17-23-ны өдрүүдэд Словакийн Братислав хотод, насанд хүрэгчдийн ДАШТ аравдугаар сарын 24-нөөс арваннэгдүгээр сарын 1-ний өдрүүдэд  Бахрэйн Улсын Манама хотод, залуучуудын “U23” хүртэлх насныхны ДАШТ аравдугаар сарын 1218-ны өдрүүдэд АНУ-ын Лас Вегас хотод болно.