Монгол Улсад Авто тээврийн салбар үүсэж хөгжсөний түүхт 100 жилийн ойд зориулсан улс, аймаг, цэрэг, сумын алдар цолтой 256 бөхийн барилдаан долоодугаар сарын 19-ний  өдрийн 11:00 цагаас Хүй долоон худаг  “Монгол наадам” цогцолборт болно. Тус барилдаанд зодоглохоор одоогийн байдлаар улсын аварга О.Хангай, улсын арслан Ц.Содномдорж, Р.Пүрэвдагва, улсын гарьд Б.Гончигдамба, улсын заан Н.Жаргалбаяр, Б.Пүрэвсайхан, Б.Бат-Өлзий, Б.Батмөнх, М.Лхагвагэрэл тэргүүтэй 150 гаруй бөх бүртгүүлээд байна. Шинэ цолтнуудаас М.Бямбадорж начин бүртгүүллээ. Бүртгэл өнөөдөр буюу долоодугаар сарын 18-ны 18:00 цаг хүртэл үргэлжилнэ. Тус барилдааны түрүү бөхөд авто машин, үзүүрлэсэн бөхөд 30 сая төгрөг,  их шөвөгт үлдвэл 10 сая төгрөгийн бай шагнал гардан авна.