Тулгар төрийн 2234 жил, Их Монгол Улсын 819 жил, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104 жилийн ой, Ардчилсан хувьсгалын 35 жилийн ойн Үндэсний их баяр наадмын шагайн харваан аваргууд тодорлоо. Энэ үеэр Монгол Улсын хошой мэргэн Г.Намбаа "Төрийн наадамд Өвөрхангай аймгаас ирж оролцож байна. Манай баг гурав дахь жилдээ оролцсон. 2022 онд хоёрдугаар байрт орж байсан. Энэ жил түрүүллээ. Баг хамт олондоо баярлалаа, их бахархаж байна. Биднийг дэмждэг дэмжигчдэдээ баярлалаа. Монголын ард түмэндээ баяр наадмын мэнд хүргэе. Та бүхэн сайхан наадаарай" гэв.