Сагсан бөмбөгийн “FIBA 3x3 World Cup”  аварга шалгаруулах тэмцээн өчигдөр “Сүхбаатарын талбай”-д эхэлсэн. Манай эмэгтэй шигшээ баг өнөөдөр хэсгийн эхний хоёр тоглолтоо Бразил, Испани улсуудын шигшээ багийн эсрэг хийнэ.

    Эмэгтэй шигшээ баг зургадугаар сарын 24-ний өдөр 18:25 цагаас хэсгийн эхний тоглолтоо Барзалын багтай хийх юм. Орой 20:15 цагаас хэсгийн хоёр дахь тоглолтоо Испанийн багтай хийхээр боллоо. Улмаар зургадугаар сарын 26-ны өдөр 18:00 цагаас хэсгийн гурав дахь тоглолтоо Германы багтай, 20:15 цагаас хэсгийн сүүлийн тоглолтоо Украины багтай тус тус хийх хуваарьтай байгаа. Манай эмэгтэй багийн бүрэлдэхүүнд О.Хулан, Б.Ариунцэцэг, М.Цэрэнлхам, Н.Нандинхүсэл нар тоглох юм.

     Өнөөдөр ДАШТ-ий эмэгтэй багийн тоглолтод Японы баг, Чилийн багийг 21:12-оор хожсон. Харин эрэгтэй багийн тоглолтод Австралийн баг, дэлхийн чансааг тэргүүлж байгаа Сербийн багийг 21:17-оор хожсон боловч хэсгийн хоёр дахь тоглолтод  Азийн аварга Австралийн баг, Германы багт 21:17-оор хожигдлоо.