Сагсан бөмбөгийн “FIBA 3x3 World Cup”  аварга шалгаруулах тэмцээн өчигдөр “Сүхбаатарын талбай”-д эхэлсэн. Монгол Улсын эрэгтэйчүүдийн шигшээ баг хэсгийн эхний тоглолтоо  АНУ-ын шигшээ багийн эсрэг хийж 21:18-аар хожигдлоо. Үүний дараа хэсгийн хоёр дахь тоглолтоо Лативын багийн эсрэг хийж 21:16-аар хожигдол хүлээв. Энэ сарын 25-ны өдөр 18:00 цагаас хэсгийн гурав дахь тоглолтоо Монтенегрогийн багтай, 20:15 цагаас хэсгийн сүүлийн тоглолтоо Японы багтай тус тус хийх хуваарьтай байгаа. Манай багийн бүрэлдэхүүнд Д.Дэлгэрням, Э.Дөлгөөн, А.Ананд, О.Энхбаатар нар тоглож байна. Өнөөдөр хоёр дахь өдрийн тоглолтууд эхэллээ.