Сагсан бөмбөгийн “FIBA 3x3 World Cup”  аварга шалгаруулах тэмцээн өнөөдөр “Сүхбаатарын талбай”-д эхэлнэ. Монгол Улсын эрэгтэйчүүдийн шигшээ баг хэсгийн эхний тоглолтоо өнөөдөр 18:25 цагаас АНУ-ын шигшээ багийн эсрэг хийнэ. Үүний дараа хэсгийн хоёр дахь тоглолтоо 20:15 цагаас Лативын багтай хийх юм. Энэ сарын 25-ны өдөр 18:00 цагаас хэсгийн гурав дахь тоглолтоо Монтенегрогийн багтай, 20:15 цагаас хэсгийн сүүлийн тоглолтоо Японы багтай тус тус хийх хуваарьтай байгаа. Манай багийн бүрэлдэхүүнд Д.Дэлгэрням, Э.Дөлгөөн, А.Ананд, О.Энхбаатар нар тоглоно.

      Харин эмэгтэй шигшээ баг зургадугаар сарын 24-ний өдөр 18:25 цагаас хэсгийн эхний тоглолтоо Барзалын багтай хийнэ. Тус өдрийн орой 20:15 цагаас хэсгийн хоёр дахь тоглолтондоо Испанийн багтай тулна. Улмаар зургадугаар сарын 26-ны өдөр 18:00 цагаас хэсгийн гурав дахь тоглолтоо Германы багтай, 20:15 цагаас хэсгийн сүүлийн тоглолтоо Украины багтай тус тус хийх хуваарьтай байгаа. Манай эмэгтэй багийн бүрэлдэхүүнд О.Хулан, Б.Ариунцэцэг, М.Цэрэнлхам, Н.Нандинхүсэл нар тоглох юм.