“Улаанбаатар опен-2025” тэмцээний эрэгтэйчүүдийн 70 кг-ын жинд гавьяат тамирчин Т.Тулга хүрэл медаль хүртлээ. Тэрбээр медалийн төлөөх барилдаанд Ираны М.Амоузадхалилид 5:0-ээр хожигдож яваад долоон оноо дараалан авч, 7:5-аар хожсон юм. Энэ жинд Дэлхийн бөхийн нэгдсэн холбооны нэр дээр орж буй ОХУ-ын Сахагийн Константин Капринов итгэл төгс түрүүллээ. Тэрбээр дөрвөн барилдаанд дараалан ялахдаа 27 оноо авч, ганцыг л алдсан юм. Ираны бөх А.Фазлихалили финалд түүнд 6:0-ээр дийлдэн үзүүрлэсэн. Нөгөө хүрэл медалийг  дэлхийн аварга, Европын аварга З.Шахиев хүртлээ.

70 кг-ын дүн:

Константин Капринов (Дэлхийн бөхийн нэгдсэн холбоо) Саха алт.

Алиакбар Фазихалили (Иран) мөнгө.

Т.Тулга (Монгол) хүрэл.

Загир Шахиев (Дэлхийн бөхийн нэгдсэн холбоо) ОХУ хүрэл.