“Улаанбаатар опен-2025” чөлөөт, сонгомол бөхийн дэлхийн чансааны оноо олгох олон улсын тэмцээн тавдугаар сарын 29-нөөс зургадугаар сарын 1-ний өдрүүдэд “Буянт-Ухаа” спортын ордонд болно. Нэр хүндтэй энэхүү тэмцээнийг “С1”, “ТВ9”, “Сүлд” телевиз шууд дамжуулж, тайлбарлагч С.Шижирбат олон нийтэд тайлбарлан хүргэхээр бэлтгэл ажлаа хангаад байна. Энэ удаагийн тэмцээнд 17 орны 350 гаруй тамирчин өрсөлдөж, чөлөөт бөх, сонгомол бөхийн гайхамшгийг мэдрүүлэх болно.