Сагсан бөмбөгийн “FIBA 3x3 Women's Series Marseille Stop-2025” тэмцээн өндөрлөв. Тус тэмцээний “А” хэсгийн эхний тоглолтод “Ulaanbaatar Amazons” баг Филиппин Улсын багийг 19:16-аар ялсан. Хэсгийн хоёр дахь тололтод “Mongolia” багийг 15:8-аар хожсон. Ийнхүү “А” хэсгээс нэг ч хожигдолгүйгээр “Ulaanbaatar Amazons” баг гарч  шигшээ наймын хасагдах шатанд Унгарын хүчирхэг  "Gyor" багийг 13:10-аар буулган авч финалд шалгарч үлдсэн юм. Хагас шигшээд 2024 оны Европын аварга, “Парис 2024” олимпын мөнгөн медаль Испанийн шигшээ баг багт 21:12-оор хожигдож гуравдугаар байрт шалгарлаа. Манай “Ulaanbaatar Amazons” баг “FIBA 3x3 Marseille Stop-2025” дэлхийн цувралд гурван хожил, нэг хожигдолтойгоор, Францын багийн хамт гуравдугаар байрт шалгарч 8 мянган ам.долларын шагналын эзэд боллоо. Манай багийн бүрэлдэхүүнд хашир туршлагатай ОУХМ О.Хулан, Б.Ариунцэцэг, 18 настай өсвөрийн тамирчин Н.Нандинхүсэл, 19 настай Б.Болор-Эрдэнэ нар байв.