Манай улсын волейболын шилдэг  тамирчдын нэг ОУХМ Т.Хангал, Азийн “Аваргуудын лиг”-ийн тэмцээнээ амжилттай өндөрлүүллээ. Өчигдөр Азийн Волейболын “Аваргуудын лиг”-ийн  эрэгтэй багийн шөвгийн наймын шатны тоглолтоо болов.  Тус тоглолтод Yuji Nishida”, Miguel Lopez нарын тэргүүтэй Японы "OSAKA BLUETON" багтай Т.Хангалын бүрэлдэхүүнд нь багтсан Тайландын баг тоглож 3:1-ийн харьцаатайгаар хожигдсон байна.

   Манай тамирчин Т.Хангалын хувьд эхний гурван ээлжинд тоглож, арван оноо авсан үзүүлэлт гаргалаа. Ингэснээр шөвгийн наймын тоглолтуудын дараах байдлаар нийт авсан оноогоор IX байрт, довтолгооны оноогоор VIII байрт жагсаж, аль аль үзүүлэлтээрээ эхний аравт орсон бахархам амжилт гаргалаа. Довтолгооны үзүүлэлтээр түүний ард Ran Takahashi, Earvin Ngapeth, Tine Urnaut, Dmitriy Muserskiy, Yuji Nishida, Śliwka, Kubiak нарын шилдгүүд бичигдэж байна.