Жүдо бөхийн “Душанбе-2025” их дуулгын эхний өдрийн барилдаан өчигдөр боллоо. Эмэгтэйчүүдийн 48 кг-ын жинд өсвөр үеийн ДАШТ-ий мөнгөн медальт, Ж.Анударь алтан медаль хүртлээ. Харин Эрэгтэйчүүдийн 60 кг-ын жинд ДАШТ-ий мөнгөн медальт, ОУХМ Э.Ариунболд хүрэл медалийн эзэн болов. Ж.Анударь 48 кг-ын жингийн “С” хэсгийн нэгдүгээр тойрогт гоц мөргөн ялалт авсан. Хоёрдугаар тойрогт Туркменистаны Leyli, GELDIYEVA-г ялсан. Улмаар “С” хэсгийн аваргын төлөөх барилдаанд Узбекистаны Ulbusin KHAKIMOVA -г ялж дөрөвний нэгийн шигшээ барилдаанд шалгарч үлдсэн. Хагас шигшээ барилдаанд Францын Melanie LEGOUX CLEMENT-ийг ялсан. Алтан медалийн төлөө Хятадын Wenna ZHUANG-тай барилдаж цэвэр ялж, “Душанбе-2025” их дуулгын аварга боллоо.

    ДАШТ-ий  мөнгөн медаль, ОУХМ Э. Ариунболд 60 кг-ын жингийн “D” хэсгийн нэгдүгээр тойрогт гоц мөргөн ялалт авсан. Хоёрдугаар тойрогт Хятадын Yuantao WANG-ыг ялсан. Улмаар “D” хэсгийн аваргын төлөөх барилдаанд Францын Maxime MERLIN -ийг ялж,  дөрөвний нэгийн шигшээ барилдаанд шалгарч үлдсэн. Хагас шигшээ барилдаанд Азербайжаны AGHAYEV Balabay  хожигдсон. Хүрэл медалийн төлөөх барилдаан Узбекистаны Asadbek MISIROV-ыг цэвэр ялж, их дуулгаас хүрэл медаль хүртлээ.