Монгол Улсын Ерөнхийлөгчийн санаачлан хэрэгжүүлж буй “Эрүүл Монгол Хүн” үндэсний хөдөлгөөн, Хан-Уул дүүрэг үүсэж хөгжсөний 60 жилийн ойн хүрээнд зохион байгуулж буй Цэцэрлэгийн хүүхдүүдийн уран хөдөлгөөнт гимнастикийн тэмцээн боллоо. Тус тэмцээн 2025 оны дөрөвдүгээр сарын 5-ны өдөр “MCU sport complex” зохион байгуулагдлаа.

     Тэмцээнд 20 цэцэрлэгийн 22 багийн 660 гимнастикчид, 66 багш дасгалжуулагч, 1500 гаруй эцэг эх асран хамгаалагч оролцжээ. Тэмцээний нээлтийн арга хэмжээнд Хан-Уул дүүргийн Нийгмийн хөгжлийн хэлтэсийн дарга Ч.Ариунжаргал, Хан-Уул дүүргийн Биеийн тамир, спортын хорооны дарга Т.Уранчимэг нар оролцлоо. Тэмцээнийг Монголын гимнастикийн холбооны шүүгчид шүүн явуулж аваргаа шалгарууллаа.

Тэмцээний дүн:

1-р байр. Э.Батнавч эрхлэгчтэй Нийслэлийн 250-р цэцэрлэгийн 1-р баг

2-р байр Э.Батнавч эрхлэгчтэй Нийслэлийн 250-р цэцэрлэгийн 2-р баг

3-р байр Г.Энхтуяа эрхлэгчтэй Нийслэлийн 223-р цэцэрлэг.

Тусгай байр: С.Батцэцэг эрхлэгчтэй Нийслэлийн 230-р цэцэрлэг

Тусгай байр: В.Алтангэрэл эрхлэгчтэй Нийслэлийн 243-р цэцэрлэг тус тус шалгарч Нийслэлийн аварга шалгаруулах тэмцээнд оролцох эрхээ авлаа.