Өмнөд Солонгосын “Sport cube”  волейболын мэргэжлийн академи нь “Be sport academy”-тай хамтран ажиллах хамтын ажиллагааны гэрээнд гарын үсэг зурлаа. Өмнөд Солонгосын  “SPORT CUBE” академи нь Хятад, Япон, Тайланд, Тайвань , Иран болон Азийн хэд хэдэн орнуудтай хамтран ажилладаг спорт менежментийн мэргэжлийн байгууллага юм.

     Өмнөд Солонгосын тус академи нь Монгол Улсад хамтран ажиллах академиар “Be sport academy”-ийг сонгож хамтран ажиллахаар боллоо. Тус академийн багт Өмнөд Солонгосын үндэсний шигшээ багийн тамирчид байсан тоглогч, Азийн волейболын холбооны мэргэжлийн дасгалжуулагчид, Солонгосын өсвөр, идэрчүүдийн олон удаагийн аварга дасгалжуулагчид, Азийн аваргууд, Парис олимпын наадмын волейболын тайлбарлагч, мэргэжлийн менежерүүд байдаг гээд маш олон давуу талтай юм.

     Цаашид Өмнөд Солонгос руу тамирчин, дасгалжуулагч зуучлах,сургах, мэргэшүүлэх, “Be sport academy”-ийг Өмнөд Солонгосын мэргэжлийн дасгалжуулагч нараар хангах, сургалт, мэдээлэл өгөх гээд маш олон талын ажил төлөвлөн ажиллаж байна. Энэ оны зургадугаар сараас “Be sport academy” дээр бүх түвшний, насны сургалт дээр Солонгос, Монгол дасгалжуулагчид хоршин ажиллах юм байна.