Чөлөөт бөхийн Азийн аварга шалгаруулах тэмцээн дөрөв дэх өдрөө үргэлжилж байна. Өнөөдөр манай таван эмэгтэй бөх зодоглож байгаа. Эмэгтэйчүүдийн  65 кг-ын жинд хүч сорьж буй “Алдар” спорт хорооны бөх, ОУХМ Түвшинжаргалын Энхжин  хоёрдугаар тойрогт шөвгийн наймд Өмнөд Солонгосын бөх Бак Жеон Гаэ-г даралтаар цэвэр ялж, хагас шигшээд шалгарлаа.

        Манай бөх тус барилдаанд 4:0-ээр илүүрхэж яваад даралтад оруулж, ялалт байгуулсан юм. Одоо Т.Энхжин Узбекистаны Шахзода Алланязоватай барилдах болно. Т.Энхжин өнгөрсөн жилийн тивийн аваргаас мөнгөн медаль хүртэж байсан билээ.