Дархан-Уул аймгийн 2024 оны өсвөрийн “Шилдэг тамирчин” болсон  жүдо бөхийн тамирчин, спортын мастер Оргилсайханы Ариунсайхантай ярилцлаа. Тэрбээр Ази тивийн аварга шалгаруулах тэмцээний хүрэл медальтай.  Монгол Улсын аварга шалгаруулах тэмцээнээс хошой мөнгө, хүрэл медаль хүртэж байсан шилдэг тамирчин юм.

 –Дархан-Уул аймгийн “Шилдэг тамирчин” болсонд баяр хүргэе.

        -Баярлалаа танд.

-Миний дүү өөрийгөө манай уншигчдад танилцуулахгүй юу?

        -Намайг Оргилсайхан овогтой Ариунсайхан гэдэг.

-Одоо хэдэн настай вэ, аль сургуульд сурдаг вэ?

       -Одоо 18 настай.

-Бага нас нь хаана өнгөрөв?

     -Аав, ээжтэйгээ хөдөө мал дээр өссөн.

-Багадаа хэр хөдөлгөөнтэй охин байсан бэ?

     -Би багадаа их хөдөлгөөнтэй охин байсан шүү.

 -Яагаад бусад спортоос илүүтэйгээр бөхийн спортыг сонирхон хичээллэх болов?

   -Бөхийн спорт бол асар их хүндлэл, ёс зүйг илэрхийлдэг учраас бусад илүүтэйгээр сонирхож хичээллэсэн.

 -Жүдо, самбо бөхийн чухам юу нь чамд илүүтэйгээр таалагдсан бэ?

     -Жүдо бөх ямарч үед өрсөлдөгчдөдөө хүндлэл үзүүлдэг гайхамшигтай спорт. Жүдочид татамигаас буухдаа ч ёсолж, өрсөлдөгчөө, дэвжээгээ, шүүгч нартаа хүртэл хүндэтгэл үзүүлдэг учраас тэр юм болов уу.

  -Жүдо, самбо, жүдо бөхөөр хэд дэх жилдээ хичээллэж байгаа вэ?

     -Би 2020 оноос эхлэн жүдо бөхөөр хичээллэж байгаа. Одоо тав дахь жилдээ хичээллэж байгаа.

   –Спортын ямар зэрэг цолтой вэ?

         -Жүдо бөхийн спортын мастерийн болзол хангасан байгаа.

-Жүдо, самбо бөхөөр хичээллэсэн үеэс хойших томоохон амжилтаасаа сонирхуулахгүй юу?

   -Ази тивийн аварга шалгаруулах тэмцээний хүрэл медальтай.  Монгол Улсын аварга шалгаруулах тэмцээнээс хошой мөнгө, хүрэл медаль авч байсан.

-Сэтгэлд тань хоногшин үлдсэн хамгийн сайхан барилдааныг хэзээ хийж байв?

     -Жүдо бөхийн өсвөр үеийн Монгол Улсын аварга шалгаруулах тэмцээн дээр сэтгэлд үлдсэн хамгийн сайхан барилдаануудыг хийсэн гэж бодож байна.

-Өөрийн тань жингийн хамгийн хүчтэй өрсөлдөгч ямар тамирчид байна вэ?

       -Миний хувьд бүх л тамирчин хүчтэй өрсөлдөгч нар хэнийг ч дутуу үнэлж болохгүй.