Дархан-Уул аймгийн Засаг дарга Б.Азжаргал "Өсвөрийн тамирчдыг дэмжих жил"-ийн хүрээнд 2024 онд УАШТ-д оролцох өсвөрийн тамирчдад замын зардал болон амжилттай оролцсон тохиолдолд шагнаж урамшуулах журам баталсан билээ.

      Өнгөрч буй онд өсвөрийн УАШТ-нд оролцсон 187 тамирчинд 83 сая төгрөгийн дэмждэг үзүүлсэн байна. 2024 онд Дархан-Уул аймгийн өсвөрийн тамирчид спортын 21 төрлийн УАШТ-ээс алтан медаль 90, мөнгөн медаль 89, хүрэл медаль 93,  нийт 272 медаль хүртжээ. УАШТ-ээс алтан медаль хүртсэн тамирчин хүүхдэд  300 мянга, мөнгөн медаль хүртсэн тамирчин хүүхдэд 200 мянга, хүрэл медаль хүртсэн хүүхдүүдэд 100 мянган төгрөг, нийт 54.1 сая төгрөгийн урамшуулал олгосон байна. Эрүүл чийрэг, хариуцлагатай, бие бялдарын өв тэгш хөгжилтэй, эх оронч иргэн болгон төлөвшүүлэх зорилго бүхий "Өсвөрийн тамирчдыг дэмжих жил" 2025 онд үргэлжлэх юм байна.