Малайз Улсын Кота Бхару хотод рафа бочигийн Азийн аварга шалгаруулах тэмцээн амжилттай зохион байгуулагдаж өндөрлөлөө. Тэмцээн өсвөр, насанд хүрэгчдийн дунд бочигийн ганцаарчилсан эрэгтэй хос, эмэгтэй хос, холимог хос, дасгалжуулагч багш нарын буудалтын гэсэн төрлүүдээр явагджээ.

     Тэмцээнд Малайз, Монгол, Австрал, Хонконг, Япон, Иран, Макао гэсэн долоон орны тамирчид өрсөлдсөн байна.  Монголын бочигийн холбооны шигшээ баг Монгол Улсаа төлөөлөн зургаан тамирчин, хоёр дасгалжуулагчийн бүрэлдэхүүнтэй оролцжээ. Багийн ахлах дасгалжуулагчаар нийслэлийн ерөнхий боловсролын 63-р сургуулийн биeийн тамирын багш Б.Ганболд, багийн туслах дасгалжуулагчаар 63-р сургуулийн багш Ц.Мөнхжаргал нар оролцжээ.

   Тэмцээний өсвөр насны эмэгтэй ганцаарчилсан төрөлд Хан-Уул дүүргийн Биeийн тамир, спортын хорооны тамирчин Л.Алтангэрэл мөнгөн мeдаль, ерөнхий боловсролын 2-р сургуулийн Монгол Улсын зөвлөх багш Х.Пүрэвсүрэн, Хан-Уул дүүргийн биeийн тамир, спортын хорооны тамирчин Л.Хатанбаатар нар холимог хосын төрөлд хүрэл мeдаль хүртэж, “Итали-2025”, “Итали-2026” оны дэлхийн аварга шалгаруулах тэмцээнд оролцох эрхээ авсан байна.