Дэлхийн хамгийн том спортын наадам болох олимпын наадам ирэх долдугаар сарын 23-наас наймдугаар сарын 8 хүртэл үргэлжлэх товтой байгаа. Гэвч “Токио-2021” олимпын наадмыг цуцлах магадлал өндөр байна. Олон улсын олимпын хорооны гүйцэтгэх захирал асан Кит Миллс “Олимпын хорооноос Токиогийн олимпыг бүр мөсөн цуцлах төлөвлөгөө боловсруулж байгаа” хэмээсэн юм.

       Коронавирусийн халдварын тархалт ихэссэнтэй холбогдуулан Япон Улс онц байдлын дэглэмд шилжсэн. Харин дэлхийн хамгийн том спортын наадамд бэлдэхэд зургаан сарын хугацаа хангалттай биш гэж үзэж буй иргэддээ хандан Япон Улсын Ерөнхий сайд Ёшихидэ Сүга “Ямар ч зүйл тохиолдсон бай олимпын наадмыг зохион байгуулах болно” хэмээн амлажээ.