Монголын хүндийн өргөлтийн тамирчин Буяндэлгэрийн Эрдэнэзулаас авсан дээжээс Дэлхийн допингийн эсрэг агентлаг (WADA)-ийн Хориотой бодисын жагсаалтад заасан тодорхой бус стероид дростанолоны метаболит илэрсэн гэх мэдээлэл байна.

         Азийн олимпын зөвлөл (OCA)-өөс Ханжоугийн Азийн наадмын допингийн эсрэг хөтөлбөрийг бие даан зохицуулах үүргийг олгосон Олон улсын шинжилгээний байгууллагаас энэ талаар мэдээлэв. Манай тамирчнаас 2023 оны аравдугаар сарын 1-ний өдөр Олон улсын шинжилгээний байгууллага тэмцээний бус үед тамирчнаас дээж авч, Хятадын допингийн эсрэг агентлагт сорьц цуглуулжээ. Энэ талаар манай тамирчинд мэдэгдсэн бөгөөд тэр даруйд нь тэмцээнд оролцох эрхийг нь түр хугацаагаар түдгэлзүүлсэн байна. Тэрбээр “В” сорьцын шинжилгээ хийлгэх эрхтэй байгаа.