“Ханжоу 2022” Азийн наадмын чөлөөт бөхийн эхний өдөр эмэгтэйчүүдийн 53 кг, 57 кг-д медалийн төлөө манай бөхчүүд шалгарсан. Гавьяат Б.Болортуяа 53 кг-д хүрлийн төлөө Энэтхэгийн бөх Антимтай учраа таарч, 3:1-ээр дийлдлээ. Энэ жинд Японы Акари Фүжинами Хятадын Шиан Юү Паныг оноогоор цэвэр ялснаар алтан медаль хүртсэн юм.

    Харин 57 кг-д Э.Даваачимэг хүрлийн төлөө Хятадын Ке Шин Хонтой учраа таарсан. Манай тамирчин барилдааны явцад хөлөндөө бэртэл авснаар оноогоор хожигдлоо. Уг жинд дэлхийн гурван удаагийн аварга Японы Цүгүми Сакурай БНАСАУ-ын Ин Сүн Ёнтой финалдсан. Эхний үед солонгос бүсгүй дэлхийн аваргыг тэвдүүлж, 6:0-ээр илүүрхсэн ч хашир аварга дараагийн үед ажилласаар 7:6-аар хожлоо.

    Өнөөдөр буюу энэ сарын 6-ны өдөр эмэгтэйчүүдийн 62 кг-д МУГТ С.Цэрэнчимэд, 68 кг-д ОУХМ Э.Дэлгэрмаа, 76 кг-д ОУХМ Г.Ариунжаргал, эрэгтэйчүүдийн 57 кг-д ОУХМ Н.Насанбуян, 65 кг-д ОУХМ Т.Тулга нар барилдах юм.